Zëvendëskryeministri serb, Alexander Vulin, shprehu qëndrim se Serbia e konsideron anëtarësimin në BRICS si një mundësi reale përballë Bashkimit Evropian.
Në një intervistë për gazetën gjermane Berliner Zeitung, Vulin theksoi se vendi do të jetë i pranishëm në samitin e BRICS në Kazan dhe se është e rëndësishme të shqyrtohen të gjitha mundësitë, përfshirë atë të BRICS.
“Po e shohim si një alternativë të vërtetë. Nëse vendet e tjera e gjejnë tërheqëse, pse ta neglizhojmë këtë mundësi për Serbinë?” u shpreh ai, duke shtuar se e ardhmja qëndron në vlerat universale dhe tradicionale që serbët e besojnë. Vulin po ashtu përmendi zgjerimin e grupit BRICS me anëtarë të rinj dhe rëndësinë e këtij zhvillimi për politikën globale.
