Kombëtarja shqiptare e futbollit ka përfunduar stërvitjen e fundit përpara ndeshjes së sotme ndaj Gjeorgjisë, e cila do të luhet në orën 18:00. Trajneri Silvinjo është fokusuar në aspektin taktik dhe atletik, duke u përpjekur të rikuperojë lojtarët nga lodhja e ndeshjes me Çekinë.
Një nga shqetësimet kryesore mbetet gjuajtja në portë, pas dy disfata që ekipi ka pësuar. Në ndeshjen e kaluar në Tiranë, Shqipëria nuk arriti të gjuajë asnjë herë në katërkëndorin kundërshtar, një statistikë që është shqetësuese. Silvinjo pritet të bëjë disa ndryshime të vogla në formacion, duke mbajtur Tomas Strakoshën në portë dhe një mbrojtje të pandryshuar me Hysajn, Kumbullën, Ismajlin dhe Mitajn. Në mesfushë do të jenë Ramadani dhe Asllani, me Bajramin përpara tyre, ndërsa Hoxha dhe Asani janë të pranishëm në krahët e sulmit.
Të gjithë sytë janë mbi ekipin për të parë nëse do të arrijnë të rikthejnë formën e tyre dhe të realizojnë një rezultat pozitiv.
