Ish-kryeministri Sali Berisha ka deklaruar se Shqipëria nuk duhet të pranojë asnjë qendër tjetër për emigrantë, duke u shprehur kundër kampit të ri në Gjadër.
Ai theksoi se Partia Demokratike (PD) nuk është ksenofobe, por do të angazhohet për të siguruar që shqiptarët të qëndrojnë dhe kthehen në vendin e tyre.
“PD do bëjë gjithçka që shqiptarët të qëndrojnë dhe të kthehen në Shqipëri. PD nuk është parti ksenofobie. Nëse e keni fjalën për qendra si kjo që qeveria italiane ndërtoi në Gjadër, ne kemi shprehur qëndrimet tona. Në asnjë rrethanë, asnjë qendër tjetër nuk mund të pranohet në Shqipëri, pavarësisht se Edi Rama për hir të karriges është i aftë të bëjë cdo lëshim dhe akt kundër shqiptarëve dhe Shqipërisë”, tha Berisha.
