Prokuroria e Tiranës ka përfunduar hetimet për skandalin “Tire”, kërkuar dënimin e Tire Alldervishit me 7 vite burg për “Mashtrim” të kryer në bashkëpunim, që ka sjellë pasoja të rënda.
Për infermieret e tjera, Mira Bushi, Sheqerije Koci, Sidorela Çela, Erjola Jazxhi, dhe Gylbra Halilaj, prokurori Beldar Valikaj ka kërkuar nga 6 vite burg, gjithashtu për shpërdorim detyre. Rukije Hoxhaj përballet po ashtu me 6 vite burg.
Skandali, i zbuluar fillimisht në një emision investigative, tregonte se Alldervishi, duke u paraqitur si infermiere, kishte mashtruar familjarët e pacientëve në spitalin Shefqet Ndroqi, duke u marrë para për shërbime që nuk i ofronte, përfshirë një rast ku i kishte zhvatur rreth 8 milionë lekë nga një vajzë.
