Në pikën kufitare Sukobin, Mal të Zi, policia malazeze ka arrestuar shqiptar A. D., i cili ishte nën kërkim ndërkombëtar nga Interpoli i Brukselit, Belgjika.
Ai kërkohet për të vuajtur një dënim prej 4 vitesh për veprat penale të krijimit të një organizate kriminale, posedimit të armëve dhe kontrabandës me narkotikë.
A. D. është akuzuar se, së bashku me grupin e tij të organizuar, ka rishitur kokainë në qytetin Antwerp të Belgjikës.
Gjatë një kontrolli në banesën e tij, policia kishte gjetur rreth 83 kilogramë kokainë, rreth 80 mijë euro në para dhe një pistoletë “Glock”.
