Kryebashkiaku i Tiranës Erion Veliaj është takuar me ish-kryetarin e Bashkisë së Nju York, Mike Bloomberg gjatë aktivitetit të “Bloomberg CityLab”.
Veliaj shprehet se është shumë mirënjohës që Tirana ka qenë një ndër përfituesit kryesorë në Europën Juglindore nga Bloomberg Philanthropies.
“Kënaqësi të takoja “Kryebashkiakun e Botës”, Mike Bloomberg, në Bloomberg CityLab. Jam shumë mirënjohës që Tirana ka qenë ndër përfituesit kryesor në Europën Juglindore nga Bloomberg Philanthropies – nga programi “Rrugët për Fëmijët” (Asphalt Art), deri te trajnimet në Qendrën Bloomberg për Qytetet në Universitetin e Harvardit. Mezi pres projektet tona të reja për të rinjtë, klimën dhe inovacionin në qytet”, shkruan Veliaj.
