Sulmi amerikan me bombarduesit B-2 kundër depove të armëve Houthi në Jemen pak orë më parë tregon se plani i përbashkët i reagimit SHBA-Izrael në Teheran po zbatohet, ndonëse në faza. Rebelët jemenas janë padyshim një pjesë e rëndësishme e “boshtit të rezistencës”, siç e kupton Teherani.
Që nga 8 tetori i vitit të kaluar, ata kanë goditur disa herë jugun e Izraelit, kanë krijuar probleme të konsiderueshme në transportin tregtar detar, duke mbyllur efektivisht Adenin dhe kanë treguar rezistencë të konsiderueshme ndaj goditjeve nga SHBA, Britania dhe Izraeli.
Por edhe zgjedhja e bombarduesve stealth që morën pjesë në sulmin amerikan dërgojnë një mesazh të qartë për të gjithë rajonin: “Ne mund dhe kemi të gjitha sistemet e armëve për të goditur të gjithë”. Vlen të theksohet se B-2 janë në përdorim që nga viti 2017.
“Forcat amerikane goditën pesë depo armësh nëntokësore Houthi në Jemen”, njoftoi Sekretari i Mbrojtjes i SHBA Lloyd Austin duke sqaruar se operacioni përfshinte bombardues stealth B-2 Spirit.
