Drejtori i Përgjithshëm i Policisë së Shtetit Ilir Proda ka takuar Atasheun policor të Ambasadës së Austrisë në Tiranë, Andreas Nagy.
Në takim u vlerësua krijimi dhe funksionimi i policisë alpine, veprimtaria e strukturave të Policisë, gjatë sezonit turistik, ngritja e skuadrave të përbashkëta hetimore, kryesisht në fushën e hetimit të krimit kibernetik, shkëmbimi i praktikave më të mira për gjurmimin e aseteve të krimit dhe modernizimi i Sektorit të Daktiloskopisë dhe AND-së, të Institutit të Policisë Shkencore.
Gjithashtu Proda falënderoi z. Nagy, për vizitën dhe e garantoi atë, për vendosmërinë e tij dhe të Policisë së Shtetit, për të kontribuuar aktivisht në operacione policore të përbashkëta, me partnerët austriakë dhe me partnerët e tjerë europianë.