Liam Payne ka ndërruar jetë pas rënies nga ballkoni i hotelit në Argjentinë, në moshën 31-vjeçare. Ngjarja ndodhi në hotelin CasaSur Palermo në Buenos Aires, ku dëshmitarët raportuan se këngëtari kishte shfaqur sjellje të çrregullt përpara incidentit.
Sipas informacioneve, ai theu laptopin e tij në hollin e hotelit dhe më pas u kthye në dhomë. Oficerët e policisë u thirrën për një “burrë agresiv” që dyshohej se ishte nën efektin e alkoolit dhe drogës. Kur mbërritën, ata dëgjuan një zhurmë të fortë dhe gjetën Payne të shtrirë jashtë.
Drejtori i shërbimeve të urgjencës, Alberto Crescenti, tha se këngëtari kishte pësuar lëndime të rënda dhe do të kryhej autopsia për të përcaktuar rrethanat e vdekjes. Payne kishte postuar në Snapchat vetëm disa orë para ngjarjes, gjë që ngjall dyshime mbi vdekjen e tij, duke shkruar “Është një ditë e bukur këtu në Argjentinë.”
Në qershor 2021, ai kishte ndarë përvoja të vështira lidhur me varësinë nga alkooli dhe droga, duke përmendur mendime të rënda vetëvrasëse gjatë periudhës së turneve me One Direction.
