Gjykata Supreme ka vendosur që gjykimi në mungesë për 42 të akuzuarit në rastin e grupit terrorist të Banjskës të lihet në diskrecion të gjyqtarit të shkallës së parë. Kjo gjykatë nuk ofron opinione ligjore për dilemën që ka hasur gjykata e shkallës së parë në lidhje me procedimin.
Avokati Fejzullah Hasani ka deklaruar se gjykimi në mungesë për krimet e rënda, si ato të luftës dhe terrorizmi, nuk është i mundur sipas Kodit Penal. Ai theksoi se vetëm me ndryshime ligjore do të ishte e mundur një gjykim i tillë.
Prokuroria Speciale ka ngritur aktakuzë ndaj 45 personave, përfshirë Milan Radojiçiqin, për sulmin terrorist në Banjskë, ku një polic humbi jetën. Deri tani, vetëm tre persona janë arrestuar, ndërsa pjesa tjetër e grupit mbetet në arrati.
