Një incident i pazakontë ka ndodhur në Serbi, ku billboardi në qytetin e Valevës është hakuar, duke shfaqur një imazh të një shqiponje me dy krerë që kap për fyti një shqiponjë tjetër me flamurin e Serbisë në prapavijë.
Fotografia, e publikuar nga faqja “valjevo_live” në Instagram, është konsideruar një provokim. Pronari i billboardit ka konfirmuar se e fikën menjëherë pasi kuptuan për hakerimin dhe do të raportojnë rastin te autoritetet.
Ky imazh ka shkaktuar reagime të shumta dhe është bërë viral, duke rikujtuar ngjarjet e vitit 2014 pas ndeshjes së njohur Serbi-Shqipëri.
