Kristjan Asllani dhe Piotr Zielinski nuk do të jenë pjesë e skuadrës së Interit për përballjen me Romën, pasi trajneri Simone Inzaghi vendosi të mos i rrezikojë pas problemeve në stërvitje.
Mediat raportojnë për një dëmtim të lehtë në gju për Asllanin, i cili sapo kishte shënuar golin e fitores për Kombëtaren shqiptare ndaj Gjeorgjisë.
Në vend të tyre, Inzaghi ka thirrur talentin e ekipit të të rinjve, Thomas Berenbruch. Një lajm pozitiv për trajnerin është rikthimi i Nicolò Barella, i cili ishte larguar nga detyra me Italinë për një problem muskulor.
Ndeshja mes Interit dhe Romës do të zhvillohet të dielën në orën 20:45.