Mbrojtësi i Kombëtares shqiptare dhe Al Ittihad, Mario Mitaj, ka arritur të shënojë golin e tij të parë në kampionatin saudit. Ai ndihmoi skuadrën e tij të fitojë 3-1 ndaj Al Qadisiya në raundin e shtatë të ligës.
Mitaj, në minutën e 81-të, dribloi me lehtësi gjithë mbrojtjen kundërshtare dhe realizoi një goditje të saktë me të djathtën, duke siguruar një gol të rëndësishëm për ekipin e tij.
21-vjeçari kaloi verën e kaluar nga Rusia në Arabinë Saudite dhe tani është bashkëlojtar me yje si Karim Benzema dhe N’Golo Kanté, duke theksuar kështu rëndësinë e tij në këtë skuadër të fortë.