Mbrëmjen e së shtunës, dy automjete u përplasën në hyrje të Lungomares në Vlorë.
Ngjarja ndodhi ndërsa një nga makinat po përpiqej të kthente në një rrugë dytësore, duke i prerë rrugën automjetit tjetër që po vinte me shpejtësi nga Uji i Ftohtë për në Skelë.
Për të shmangur përplasjen, automjeti goditi një palmë anës rrugës, duke sjellë plagosjen e rëndë të drejtuesit, i cili u transportua në spital.
Policia ndodhet në vendngjarje për hetimet e nevojshme.
