Komisioni Evropian ka miratuar një paketë prej 6 miliardë eurosh për Planin e Rritjes në Ballkanin Perëndimor, ku gjysma e fondeve do të investohet në infrastrukturë, përfshirë transportin dhe energjinë.
Serbia pritet të jetë vendi që do të përfitojë më shumë, me 1.58 miliardë euro, ndjekur nga Bosnja dhe Hercegovina me 969 milionë, Shqipëria me 922 milionë, dhe Kosova me 888 milionë.
Fondet do të jepen në formën e granteve dhe kredive me interesa të favorshme, dhe janë të kushtëzuara me zbatimin e Agjendave të Reformës nga vendet përfituese.
