Gjykata e Posaçme ka dhënë vendimin përfundimtar ndaj Kep Arapit dhe tre të pandehurve të tjerë, të cilët akuzohen për organizimin e një atentati ndaj Xhevdet Plakut. Kep Arapi, i njohur për lidhjet e tij me krimin e organizuar, është dënuar me pesë vite burg për rolin e tij në këtë grup të strukturuar kriminal.
Dënime të ngjashme, prej 4.8 vite burg, janë shpallur për ish-shefin e Krimeve, Dedan Gjoni, si dhe për dy bashkëpunëtorët e tij, Algert Rapi dhe Dejvi Gjermëni. Gjoni dyshohet se ka ndihmuar në organizimin e atentatit, duke nxjerrë në pritë Plakun.
Sipas vendimit të gjykatës, Kep Arapi u shpall fajtor për “sigurimin e kushteve dhe mjeteve materiale për të kryer vrasje” dhe për “grup të strukturuar kriminal”, duke iu nënshtruar një dënimi total prej 7 vjetësh e 6 muajsh, e më pas duke u ulur me një të tretë për shkak të rregullave të gjykimit të shkurtuar.
Gjykata ka theksuar se veprat penale janë kryer në bashkëpunim të ngushtë dhe se dënimet do të vuajnë në burg të sigurisë së lartë. Të pandehurit kanë të drejtë të ankohen në Gjykatën e Apelit brenda një periudhe 15-ditore.
