Ministri i Financave Petrit Malaj në një konferencë për mediat tha se qeveria Rama është e angazhuar për një rritje sa më të shpejtë të pensioneve.
Malaj u shpreh se qeveria do të shtojë bonusin e fundvitit për pensionistët.
“Ky bonus është një mënyrë për të lehtësuar sadopak barrën financiare të përditshme që keni dhe synon të ndihmojë më shumë ata që kanë më tepër nevojë. Ne duam të krijojmë një skemë pensioni të qëndrueshme. Indeksimi ka të bëjë me rritjen e çmimeve, nuk ka të bëjë me skemën e pensioneve që po shqyrtojmë. Qeveria është e angazhuar për një rritje sa më të shpejtë të pensioneve”, u shpreh ministri i financave.
