Kryetarja e Kuvendit, Elisa Spiropali, priti ambasadoren e Austrisë, Monika Zach, për një takim ku diskutuan për zgjerimin e bashkëpunimit politik, ekonomik dhe kulturor mes dy vendeve.
Të dyja palët theksuan rëndësinë e mbështetjes së Austrisë për anëtarësimin e Shqipërisë në Bashkimin Evropian.
Diskutimet u përqendruan gjithashtu në forcimin e bashkëpunimit parlamentar, duke përfshirë realizimin e marrëveshjeve mes Kuvendit të Shqipërisë dhe Këshillit Kombëtar të Austrisë.
Një vëmendje e veçantë iu kushtua “Punishtes së Demokracisë” dhe Programit të Bursave në Parlamentin austriak, si hapa të rëndësishëm për të përmirësuar marrëdhëniet dypalëshe.