Drejtori i Përgjithshëm i Tatimeve Ilir Binaj ka prezantuar Anton Martinin si drejtues të ri të hetimit tatimor.
Gjatë prezantimit Binaj tha se Anton Martini falë përvojës dhe reputacionit në fushën e drejtësisë do të udhëheq edhe luftën ndaj evazionit.
“Martini vjen nga një përvojë e gjatë në fushën e hetimit duke reflektuar integritet të lartë profesional. Ai pritet të drejtojë me sukses dhe efikasitet Drejtorinë e Hetimit, si struktura pararojë në përpjekjet për të siguruar zbatimin e ligjeve tatimore”, thuhet në njoftimin e Drejtorisë së Tatimeve.
Ai ka qenë prokuror i krimeve të rënda dhe kandidat për SPAK.
