Tedi Blushi, Sekretar i Përgjithshëm i Partisë së Lirisë, ka deklaruar se arrestimi i Ilir Metës ishte një akt terrorist i kryer nga grupe të lidhura me bandat e Durrësit. Ai e cilësoi SPAK dhe GJKKO si “struktura kamikazë” dhe “mekanizma kriminalë”.
Blushi theksoi se dy nga oficerët që ndaluan Metën kishin precedentë kriminalë dhe ishin të lidhur me këto grupe. Ai shtoi “Një nga automjetet që u përdor ishte një Volkswagen pa asnjë shenjë identifikimi.”
Blushi kritikoi përdorimin e forcës dhe akuzoi qeverinë se po përpiqet të shkatërrojë pluralizmin në vend, duke theksuar se nuk ka asnjë provë që të implikojë Metën në shkelje ligjore.
