Ish-deputeti i Partisë Socialiste, Jurgis Çyrbja është lënë në burg pa afat nga Gjykata e Posaçme kundër Korrupsionit dhe Krimit të Organizuar. Kërkesa e avokatëve për një masë më të butë, pra lirimin nga qelia nuk është pranuar.
Ish-deputeti i PS-së në qarkun e Durrësit u arrestua me urdhër të SPAK pasditen e së dielës.
Prokuroria e Posaçme njoftoi se gjatë ushtrimit të detyrës së tij si deputet, Çyrbja i ka ofruar favorizime të shumëkërkuarit të drejtësisë Altin Hajri.
Ky i fundit në këmbim i siguronte vota për t’u zgjedhur deputet në zgjedhjet parlamentare të vitit 2021.
Një tjetër akuzë ndaj tij është edhe nxjerrja e sekretit hetimor. Për këtë, ai ka bashkëpunuar me Ahmet Mashën.
Ata kanë dekonspiruar të paktën 7 operacione te policisë për arrestimin e disa të kërkuarve.