Rey Manaj po tregon një formë të shkëlqyer në Superligën turke, ku shënoi dy gola në fitoren 3:2 të Sivassporit kundër Hataysporit. Sulmuesi shqiptar shënoi në minutat 43 dhe 73 nga penalltia, duke siguruar tri pikët për ekipin e tij.
Për këtë performancë, faqja e njohur për vlerësimin e lojtarëve, Sofascore, e ka renditur Manajn në ekipin ideal të javës, përkrah Mauro Icardit të Galatasarayt. Ai mori një vlerësim prej 8.4 dhe ka shënuar gjithsej tre gola në gjashtë ndeshje këtë sezon.
Manaj e humbi përfaqësimin me Kombëtaren në ndeshjet e tetorit, por vazhdon të jetë një lojtar kyç në klubin e tij.
