Kreu i Grupit Parlamentar të Partisë Demokratike, Gazment Bardhi, ka reaguar pas komenteve të kryeministrit Edi Rama lidhur me protestën e opozitës para Parlamentit Europian. Rama, gjatë një konference me presidenten e Komisionit Europian, tha se “duhen dy për një tango” dhe se qeveria do të vazhdojë përpjekjet për anëtarësimin e Shqipërisë në BE.
Bardhi i është përgjigjur duke theksuar se opozita ka vendosur të “bëjë tango me interesin publik” për të përfaqësuar vlerat europiane dhe mirëqenien e qytetarëve. Ai akuzoi Ramën se po bashkëpunon me figura të dyshimta si Altin Hajri dhe Avdylaj, duke i përmendur si ato që ndikojnë në listat e kandidatëve për zgjedhje.
Reagimi i Bardhit
Duhen dy për një tango pa asnjë diskutim! Dhe ti e ke zgjedhur dyshen tënde të tagos: krimin e organizuar.
Ti ke vendosur të bësh tango me Altin Hajrin, që të dikton të 3 në listën e kandidatëve dhe ti i vendos firmën. Ti ke vendosur të bësh tango me Avdylajt, që të diktojnë të 5 në listën e kandidatëve dhe ti i vendos firmën.
E ndërkohë që ti bën tango me krimin e organizuar, duke vallëzuar muzikën që krimi i organizuar dëshiron, opozita ka vendos të bëjë tango me interesin publik, për të vallëzuar çdo shqiptarë muzikën që përfaqëson vlerat europiane në qeverisje dhe garanton mirëqenien e tyre.
Opozita proteston në Strasburg/ Rama: Duhen dy për një tango! Ne do të vazhdojmë me detyrat