Një lajm i trishtë ka mbërritur nga Maroku, ku ish-lojtari i Marsejës, Abdelaziz Barrada, ka ndërruar jetë në moshën 35-vjeçare, më 24 tetor.
Mediat vendase raportojnë se Barrada ka humbur jetën për shkak të një ataku kardiak. Gjatë karrierës së tij, ai ka luajtur për disa skuadra të njohura, përfshirë Marsejën, Antaliaspor, Getafe, Al-Jazeera të Emirateve dhe Al-Shahania të Katarit.
Me kombëtaren e Marokut, Barrada ka zhvilluar 28 ndeshje, duke shënuar gjithashtu 4 gola. Lajmi i ndarjes së tij nga jeta ka tronditur botën e futbollit dhe do të lë një boshllëk të madh mes tifozëve dhe ish-bashkëlojtarëve të tij.
