Forca Kombëtare e Sigurisë ka përfunduar trajnimin dyvjeçar të udhëhequr nga ekspertët e Policisë Federale të Gjermanisë. Gjatë ceremonisë së dorëzimit të dokumenteve, Drejtori i Përgjithshëm i Policisë, Ilir Proda, vlerësoi mbështetje të vazhdueshme nga Qeveria Gjermane dhe theksoi rëndësinë e trajnimeve për suksesin e forcave të sigurisë.
Proda riafirmoi statusin e Policisë shqiptare si një partner të besueshëm në nivel ndërkombëtar. Zv.drejtor i Policisë Federale, Jonas Hauto, vlerësoi profesionalizmin e punonjësve të trajnuar dhe konfirmoi vazhdimin e asistencës me pajisje moderne dhe trajnime të avancuara.
