Roland Cankaj, 43 vjeç, është shpallur fajtor në Angli për trafikimin e vajzave braziliane për shfrytëzim seksual. Ai drejtonte organizatën kriminale “Cankaj Brotherhood” dhe u arrestua në prill 2024 pas një hetimi gjashtë ditor.
Policia Metropolitane e Londrës zbuloi se Cankaj përdorte pasaportë false për të marrë me qira apartamente, ku dërgonte vajzat për t’u shfrytëzuar seksualisht. Ai ishte i pranishëm gjatë aktivitetit të tyre, duke bërë foto provokuese për reklamat e shërbimeve seksuale. Në total, gjashtë vajza u identifikuan si viktima, duke përfshirë një që kishte kaluar nga puna si estetiste në Brazil. Cankaj do të përballet me dënimin e tij në një datë të mëvonshme.
