Ministri Taulant Balla theksoi në një takim me komunitetin shqiptar në Filadelfia se Kuvendi i Shqipërisë ka miratuar ligjin që garanton të drejtën e votës për shqiptarët jashtë vendit.
“Philadelphia është si Vlora për ne; këtu filloi pavarësia amerikane, dhe Shtetet e Bashkuara janë bërë jo vetëm një superfuqi globale, por vendi i mundësive për të gjithë. Shqiptarët këtu kanë treguar suksese të shumta, duke u bërë ambasadorë të vlerave shqiptare. Ne jemi mirënjohës për rolin që SHBA-ja dhe Presidenti Woodrow Wilson kanë luajtur për Shqipërinë pas Luftës së Parë Botërore,” tha Balla
Balla theksoi se 1.75 milion shqiptarë që jetojnë jashtë do të kenë mundësinë të votojnë në zgjedhjet e ardhshme, një hap i rëndësishëm për përfshirjen e diasporës në procesin demokratik të Shqipërisë.
