Vazhdon gjyqi për për aferën e korrupsionit me Inceneratorin e Elbasanit. SPAK ka kërkuar në Apelin e GJKKO-së ndryshimin e vendimit të Shkallës së Parë që ka shpallur të pafajshëm për veprën penale të shpërdorimit të detyrës për deputetin e Partisë Socialiste Alqi Bllakon dhe ish-ministrin Lefter Koka.
SPAK i kërkoi gjykatës që Bllako të dënohet me 4 vite burg dhe në aplikim të gjykimit të shkurtuar të vuajë 2.8 vite burg. Për Kokën, SPAK-u kërkon t’i shtohet dhe dënimi për shpërdorim detyre. Lefter koka u dënua në Shkallë të Parë më 6.8 vite burg.