Një i mitur ka pësuar lëndime pas përplasjes me një automjet në Korçë, por fatmirësisht ndodhet jashtë rrezikut për jetën.
Ngjarja ka ndodhur rreth orës 12:30, në lagjen nr. 8, ku automjeti i drejtuar nga shtetasi E. B. ka goditur fëmijën, i cili aktualisht po merr ndihmë mjekësore.
Shoferi E. B. është shoqëruar në komisariat për të kryer procedurat e nevojshme, ndërsa grupi hetimor po punon për të sqaruar rrethanat e aksidentit.
