Një atentat i rëndë ndodhi në Shkodër, ku dy persona humbën jetën dhe dy të tjerë u plagosën rëndë. Mes të plagosurve është Arlind Bushati, djali i Xhemal Bushatit, ish-kandidat për bashkinë e Shkodrës nga PD.
Arlind, 32 vjeç, kishte denoncuar pak ditë më parë në polici se ishte kërcënuar me armë zjarri në pedonalen e qytetit.
Ngjarja e sotme ndodhi në lagjen Dobraç, ku ai dhe Hamza Lici u qëlluan me breshëri plumbash. Policia po heton për të zbardhur rrethanat e sulmit dhe identitetin e autorëve.
