Qeveria spanjolle ka vendosur të shpallë tri ditë zie për viktimat e përmbytjeve, duke filluar nga nesër, njoftoi ministri Ángel Victor Torres. Të paktën 64 persona kanë humbur jetën dhe disa të tjerë janë ende të zhdukur, sipas The Guardian.
Agjencia e motit, AEMET, ka informuar se reshjet intensive në Valencia priten të pakësohen, por disa zona vazhdojnë të jenë në alarm. Stuhia ka kaluar drejt veriut, duke shkaktuar paralajmërime për Katalonjën, ndërsa reshje të mëdha shiu priten edhe në jug të vendit.
“Ajo që duhet të kemi parasysh në verilindje dhe në Andaluzinë perëndimore është rreziku nga shiu të dendur,” njoftoi agjencia.
