Pasditen e sotme një aksident ka ndodhur në aksin rrugor “Korçë-Pogradec” në afërsi të fshatit Guri i Kuq. Dy makina janë përplasur me njëra-tjetrin dhe si pasojë janë lënduar dy persona.
Drejtuesi i makinës tip “Ford” H.H., së bashku me bashkëshorten me iniciale Xh.H., janë lënduar dhe ndodhen në spital nën kujdesin e mjekëve.
Ndërsa drejtuesi i makinës tip “Audi”, F.Y., është shoqëruar në ambientet e Komisariatit, për veprime të mëtejshme procedurale.
Ndërsa grupi hetimor ndodhet në vendngjarje, për të zbardhur rrethanat dhe shkakun e aksidentit.
