Detaje të reja kanë dalë nga masakra në Shkodër, ku tre persona humbën jetën, përfshirë Hamza Licin dhe Arlind Bushatin, si rezultat i një atentati mafioz. Ngjarja ndodhi ndërsa viktimat po udhëtonin nga Shkodra drejt Koplikut me një makinë tip Benz me targa kroate, kur një automjet i lëvizshëm qëlloi ndaj tyre. Lici humbi jetën menjëherë, ndërsa Bushati u dërgua në spital, ku luftoi për jetën pas plagosjes në kokë.
Në këtë masakër, për fat të keq, humbi jetën edhe Flutura Basha, një kalimtare që po udhëtonte me motor bashkë me bashkëshortin e saj, Bashkim Basha, i cili vazhdon të jetë në gjendje të rëndë. Një makinë “Range Rover”, e djegur, u gjet në fshatin Grudë e Re pak minuta pas ngjarjes. Kjo makinë rezulton se ishte vjedhur në Durrës dhe brenda saj u gjetën dy armë automatike, të dyshuara si të përdorura në atentat.
Policia ka ngritur një grup të posaçëm hetimor dhe po vazhdon hetimet për zbardhjen e rrethanave të ngjarjes dhe sigurimin e provave.
