Rinis operacioni në Itali, emigrantët nga “vendet e sigurta” do të akomodohen në Shqipëri.
Nga e hëna anija e Marinës italiane do të kthehet në stacionin 20 milje larg Lampeduzas për të ruajtur ujërat dhe për të mirëpritur refugjatët e shpëtuar në ujërat e Mesdheut, për të bërë skriningun e parë në bord dhe për t’i transportuar drejt Shqipërisë ata që janë “të përshtatshëm”: vetëm burrat e rritur “jo vulnerabël” dhe që vijnë nga vende të konsideruara të sigurta sipas legjislacionit italian.
Në thelb, vendimi i gjykatës së Romës përcaktonte se “procedura kufiri i përshpejtuar” nuk mund të zbatohet për emigrantët që vijnë nga vende të tjera, që konsiderohen të sigurtë vetëm nga Italia dhe jo nga legjislacioni evropian. Më 21 tetor, Qeveria Meloni miratoi një dekret ligjor që shënon përmirësimin e listës së “vendeve të sigurta”.
