Drama “Agnesa e Zotit” do të mbahet në Tiranë në datat 5-6-7 nëntor në orën 19:00 te salla e Universitetit të Arteve.
Për të rezervuar biletat duhet të kontaktoni në numrin 068 53 01 016. Aktorët kryesorë që luajnë në këtë dramë janë Eni Jani, Laura Nezha dhe Violeta Trebicka.
“Agnesa e Zotit” është një dramë e vitit 1979 nga dramaturgu amerikan John Pielmeier, i cili tregon historinë e një murgeshe të re (Laura Nezha) që lind një fëmijë në manastir, por nuk beson se ka lindur dhe këmbëngul se foshnja erdhi si rezultat i një konceptimi të virgjër.
Pasi fëmija gjendet i vdekur, një mjeke psikiatre (Eni Jani) dhe nëna eprore e kuvendit (Violeta Trebicka) përleshen gjatë hetimit për zbardhjen e ngjarjes.
Psikiatria Marta lëviz nga edukatorja te antagonistja, nga psikiatria me hundë të fortë ateisteje, te shëruesja që kërkon besim. Ajo na ofron jo vetëm sfondin e ngjarjeve, por edhe një histori personale.
Nëna Eprore Miriam Ruth duke pretenduar se motër Agnes nuk e kupton atë që ndodhi, duhet të shpjegojë mundësitë e mrekullive duke njohur realitetet e botës së sotme. Ajo vepron shpejt për të kufizuar përpjekjet e Livingstone përpara se të zbulohet e vërteta.
Motër Agnesa, përmes një koreografie emocionale, paraqet një shpirt të bukur, por të munduar, edukimi abuziv i së cilës ka ndikuar në aftësinë e saj për të menduar racionalisht.
