Pas përmbytjeve vdekjeprurëse që goditën Spanjën lindore, stuhitë e forta kanë arritur në Barcelonë, duke shkaktuar kaos në qytet.
Aeroporti El Prat është përmbytur, ndërsa disa autostrada janë mbyllur për shkak të reshjeve të mëdha. Shërbimi meteorologjik ka lëshuar alarm të kuq, duke u kërkuar qytetarëve të shmangin udhëtimet dhe të qëndrojnë vigjilentë.
Mesazhe paralajmërimi janë dërguar në celularët e qytetarëve për të theksuar rëndësinë e kujdesit gjatë këtyre kushteve ekstreme.
