Kryetari i Grupit Parlamentar të PD dhe Drejtuesi Politik i Qarkut Lushnje, Gazment Bardhi, ka kritikuar ashpër qeverinë e Edi Ramës gjatë një takimi me strukturat e partisë në Lushnje. Ai ka akuzuar Ramën për sjellje të papranueshme ndaj fermerëve, duke e quajtur mungesën e mbështetjes dhe abuzimin me fondet e fermerëve “kriminale dhe çnjerëzore”.
Bardhi theksoi se PD do të angazhohet në çdo qytet dhe fshat për të realizuar një transformim të mirë në të gjithë qarkun e Fierit dhe Shqipërinë.
Ai akuzoi qeverinë e Ramës për lënien në harresë të fermerëve dhe për humbjen e 12 viteve të qeverisjes së korruptuar, duke u angazhuar për ndryshim në Lushnje, qarkun Fier dhe në nivel kombëtar.
