Bjeshkët e Nemuna, të ndara mes Shqipërisë, Kosovës dhe Malit të Zi, ofrojnë një përvojë unike skijimi për aventurierët.
Sipas artikullit të botuar në “The Guardian” nga Katy Dartford, rajoni i njohur si Alpet Shqiptare është një destinacion ideal për skijim, larg masivëve të mbushura me turistë. Skijuesit mund të eksplorojnë peizazhe të virgjëra dhe borë të pastër, duke ngjitur male dhe duke kaluar kufij ndërmjet tre vendeve.
Udhëtimi përfshin akomodim në bujtina malore dhe mundësi për të shijuar mikpritjen tradicionale, ndërsa vizitorët mund të shijojnë skijimin në zona të izoluara dhe të bukura natyrale.
