Reperja e njohur Cardi B ka bërë bujë me kritikat e saj ndaj mbështetësve të Donald Trump, pas fitores së tij në zgjedhjet presidenciale të SHBA. Gjatë një transmetimi të drejtpërdrejtë në TikTok, artistja fituese e Grammy ka shprehur pakënaqësinë e saj të fortë, duke theksuar mbështetje për Kamala Harris dhe duke u shprehur krenare për arritjet e saj, sidomos në shtetet si Kalifornia dhe Kolorado.
“Çfarëdo që të ndodhë, e di që ajo është ndoshta emocionale tani. E di që ka shumë gjëra në mendjen e saj dhe e di që ajo nuk e dëgjon këtë, por në një moment tjetër do ta dëgjojë. Thjesht shpresoj se ajo e di se pavarësisht se çfarë ndodh sonte, miliona njerëz janë krenarë për të. Gratë në mbarë botën janë krenare për të. Gratë me ngjyrë janë krenare për të”, u shpreh Cardi B.
Në një moment, kur pa një koment që thoshte: Cardi, ne kemi nevojë për ty në inaugurimin e Trump, reperja reagoi me zemërim: Betohem në Zot, do të të këndoj, largohu nga unë! Nuk të duroj më! Jam shumë e trishtuar!”
Cardi B theksoi se Kamala Harris ishte arsyeja kryesore që e bëri të ndryshonte mendje dhe të votojë, duke besuar në sinqeritetin e saj dhe në mesazhet që ajo paraqiti gjatë fushatës. Reperja është një nga shumë personazhet e famshëm që kanë mbështetur Harris në këtë garë presidenciale.
