Neim Avdulaj, i dënuar për krime të rënda, është futur në regjimin e veçuar 41-biss në IEVP Peqin për një periudhë 1-vjeçare. Ky vendim është marrë për arsye sigurie dhe për të mbajtur nën kontroll të dënuarit me rrezikshmëri të lartë, duke u bazuar në dënimin e tij prej 17 vitesh e 4 muajsh burgim.
Avdulaj u dënua nga Gjykata e Shkallës së Parë për Krimet e Rënda, në vitin 2019, dhe më pas nga Gjykata e Posaçme e Apelit për Korrupsionin dhe Krimin e Organizuar në vitin 2021. Ai u shpall fajtor për vjedhje të bankave dhe arkave të kursimit, prodhimin dhe mbajtjen pa leje të armëve, si dhe për pjesëmarrje në grup kriminal.
