Kanë kaluar disa ditë dhe ende nuk ka asnjë të arrestuar për vrasjen e Hamza Licit bashkë me shokun e tij Arlind Bushati dhe dy të pafajshëm, burrë e grua. Në pritje të përgjigjeve nga analizat për të shkuar tek provat, grupi hetimor ka në dorë një ‘armë’ të fortë.
Përgjimet e Sky që janë zbardhur nga SPAK-u. Nga përgjimet e zbardhura në media rezulton se vrasja e Hamza Licit, vëllait të vogël të Ibrahim Licit, ishte projektuar nga Astmer Bilali dhe Behar Bajri, që në muajin Gusht 2020.
Në një nga bisedat në Sky Bilali i thotë Bajrit se “ka mundësi me ma nxjerr dikush Hamzan. Kam fol mramë me dikën dhe ma premtoj se ma nxjerr. Po shohim ishalla…”. Behar Bajri ia kthen shkurtimisht Bilalit: “…aaa praaaa…”.
