Në një fjalim në klubin e diskutimit Valdai, një ditë pas fitores zgjedhore të Donald Trump, presidenti rus Vladimir Putin ka shprehur mendimin se bota po kalon një periudhë të ndryshimesh të mëdha, duke theksuar se struktura e botës e dominuar nga Perëndimi po shembet dhe se tashmë është duke u zhvilluar një luftë për të krijuar një rend të ri botëror.
“Struktura e mëparshme e botës po zhduket në mënyrë të pakthyeshme, mund të themi se tashmë ka ikur dhe po shpaloset një luftë serioze, e papajtueshme për formimin e një të reje.
Bota ka nevojë për Rusinë dhe asnjë vendim nga eprorët e supozuar në Uashington apo Bruksel nuk mund ta ndryshojë këtë”.
Në komentet e tij, Putin deklaroi se Rusia nuk e sheh qytetërimin perëndimor si armik, pavarësisht përpjekjeve të SHBA-së për të izoluar Moskën.
“Kremlini është i bindur se Vladimir Putin nuk ka arritur të përgëzojë Donald Trump për rezultatet dhe është i bindur se ai nuk ka plane ta bëjë këtë, madje edhe përpara inaugurimit”, thotë ai.
Zëdhënësi i Kremlinit, Dmitriy Peskov, gjithashtu u shpreh se do të ishte më mirë nëse administrata e re e Trump do të kërkonte paqe dhe jo vazhdimin e konfliktit.
