Në Novi Sad, Serbi, qytetarët dhe aktivistët zhvilluan një protestë masive, duke bllokuar urën e Varadinit si pjesë e një akti “mosbindjeje civile”. Kjo protestë u organizua pas tragjedisë që ndodhi më 1 nëntor, kur shembja e një strehese betoni në Stacionin Hekurudhor të qytetit i mori jetën 14 personave.
Protestuesit kërkuan dorëheqjen e kryetarit të Komunës së Novi Sadit, Milan Gjuriq, dhe të kryeministrit serb, Aleksandar Vuçiç, duke kërkuar gjithashtu që të mbahen përgjegjës ata që kanë shkaktuar këtë ngjarje tragjike. Ata i kërkuan qeverisë heqjen e klasifikimit të kontratës për rindërtimin e Stacionit Hekurudhor dhe drejtësi për viktimat.
Protestuesit e udhëhoqur nga organizatorët përdorën ngjyrë të kuqe për të lyer urën dhe shkruar mesazhe kundër presidentit Vuçiç. Disa nga thirrjet në urë përfshinin mesazhe si: “Pushteti absolut, përgjegjësi absolute”, “Vitet e heshtjes përfundojnë me një minutë heshtje”, dhe “Duart e tua janë të përgjakura”. Protesta është një reagim i fortë ndaj asaj që qytetarët e shohin si papërgjegjshmëri të pushtetit në menaxhimin e sigurisë publike.
