Presidenti i Koresë së Jugut, Yoon Suk Yeol, ka paralajmëruar se shteti i tij, në bashkëpunim me Shtetet e Bashkuara, është i gatshëm të përgjigjet me sulm bërthamor nëse Koreja e Veriut tenton të sulmojë me armë bërthamore. Yoon theksoi se Koreja e Jugut mund të mbështetet në armët bërthamore amerikane për të siguruar mbrojtjen dhe nuk ka nevojë të posedojë armë të tilla vetë.
Në një deklaratë, Yoon tha se çdo sulm bërthamor nga Koreja e Veriut do të shkaktonte një reagim të menjëhershëm nga aleanca e SHBA-së dhe Koresë së Jugut, duke përfshirë përdorimin e armëve bërthamore amerikane për të goditur Phenianin. Kjo paralajmërim erdhi pas testimit të fundit të raketës balistike ndërkontinentale nga Koreja e Veriut dhe akuzave se Pheniani po mbështet Rusinë në luftën kundër Ukrainës.
Yoon ka ndjekur një qëndrim më të ashpër ndaj Koresë së Veriut se paraardhësit e tij, duke theksuar rrezikun që paraqet zhvillimi i armëve bërthamore dhe raketave nga Pheniani, pavarësisht sanksioneve ndërkombëtare.
