Një 17-vjeçar me origjinë shqiptare dyshohet se është autori i vrasjes së Salvatore Postiglione, një murator italian 56-vjeçar, i cili u godit 13 herë me thikë në një park makinash në Foligno.
Hetuesit zbuluan djalin pas shqyrtimit të kamerave të sigurisë, që treguan momentin e sulmit. I riu, i cili kishte punuar me Postiglione, u arrestua pasi në shtëpinë e tij u gjetën rrobat e ngjyrosura me gjak dhe skuterin që përdori për t’u larguar nga vendi i krimit.
Policia po heton motivet e krimit, ndërsa 17-vjeçari nuk ka dhënë ende dëshminë e tij.
