Ministria libaneze e Shëndetësisë ka njoftuar se nga sulmet izraelite në rajonin Almat janë vrarë 20 persona mes tyre tre fëmijë, si dhe janë plagosur gjashtë të tjerë.
Ndërsa autoritetet njoftuan të shtunën që nga sulmet në Mashgara, në pjesën perëndimore të luginës Beka, të Libanit janë vrarë tre persona si dhe janë plagosur dy të tjerë.
Sipas zyrtarëve, një tjetër person u vra dhe disa u plagosën gjatë sulmeve në rajonin Sahmar, po në Beka, mbrëmjen e së shtunës.
Ushtria izraelite nuk ka bërë komente deri më tani, ndërsa është shprehur më parë se sulmet e saj kanë si objektiv militantët e grupit Hezbollah në Liban.
