Gjykata e Posaçme me kërkesë të SPAK ka pushuar çështjen ndaj deputetit socialist Agron Çela. Ai akuzohet për veprën penale “Mashtrimi” pas u kallëzua nga një qytetar, ku deputeti i kishte kërkuar hua 15 mijë euro.
Pas hetimeve të SPAK konstatoi se nuk ekzistonte asnjë vepër penale dhe konflikti mes deputetit dhe qytetarit ishte zgjidhur.
Ai është paraqitur më parë në SPAK në lidhje me çështjen CEZ-DIA.
Sipas SPAK, ai ka përfituar para nga DIA e Kastriot Ismajlajt në një kohë kur shoqëria ku ai ishte aksioner nuk ka dhënë asnjë shërbim.
“Në lidhje me shoqërinë BTT me ortak të vetëm shtetasin Shpëtim Shehu, e cila ka përfituar nga shoqëria DIA shumën prej 16.800.000 lekë hetimi ka provuar se kjo shumë ka pasur si përfitues fundor shoqërinë ‘Xhenis’ shpk, me ortak shtetasin Agron Çela i cili në vitin 2013 zgjidhet deputeti i Kuvendit të Republikës, si përfaqësues i Lëvizjes Socialiste për Integrim”, thotë SPAK.
