Ambasadori i Francës në Kosovë, Olivier Guerot, ka përsëritur kërkesën ndaj Qeverisë së Kosovës për dërgimin e Draftit të BE-së për Asociacionin e Komunave me Shumicë Serbe në Gjykatën Kushtetuese të Kosovës.
Këtë deklaratë Guerot e ka bërë në një intervistë për Kosovo Online, teksa ka folur për serbët që jetojnë në Veri të Republikës së Kosovës.
Ambasadori francez ka thënë se inkurajojnë lëvizje pozitive që do të ndihmonin përparimin në procesin e normalizimit në mes të Kosovës dhe Serbisë duke theksuar rëndësinë që Kosova ta çojë në Kushtetuese draftin evropian.
“Në veçanti theksojmë rëndësinë e Kosovës që ta dërgojë draft-statutin evropian të Komunitetit të Komunave me Shumicë Serbe për shqyrtim në Gjykatën Kushtetuese”, ka thënë Guerot.
