Senatori John Thune, mik i ngushtë i komunitetit shqiptar dhe Federatës Pan-Shqiptare “Vatra”, do të drejtojë Senatin Amerikan për katër vitet e ardhshme, duke marrë këtë detyrë në janar 2025. Thune, senator republikan nga Dakota e Jugut, ka shërbyer në Senat që prej vitit 2005.
Federata “Vatra”, një nga institucionet më të rëndësishme të shqiptarëve në SHBA, ka reaguar pozitivisht ndaj këtij lajmi, duke theksuar se ky është një zhvillim fantastik për të gjithë shqiptarët.
Ata kanë deklaruar se do të vazhdojnë të bashkëpunojnë ngushtë me institucionet amerikane në dobi të çështjes kombëtare dhe komunitetit shqiptar në Shtetet e Bashkuara, duke përforcuar më tej zërin e çështjes shqiptare në Senatin Amerikan.
