Në Serbi, një trend në rritje ka shqetësuar autoritetet dhe shoqërinë: shpërndarja e materialeve pornografike për hakmarrje, duke përdorur teknologjinë “deep fake”, që i përfshin individë të vërtetë në pamje të krijuara nga inteligjenca artificiale.
Ky fenomen ka shpërthyer në rrjetet sociale, ku përdorues të panumërt shpërndajnë çdo ditë fotografi dhe video të paautorizuara, shpesh me motiv hakmarrjeje, dhe më së shumti viktimat janë gra dhe vajza.
Shpesh përgjegjës për këtë dhunë janë ish-partnerët, ndërsa autoritetet po dështojnë të ndërmarrin masa efektive. Një peticion i nisur nga Qendra Autonome e Grave kërkon që pornografia për hakmarrje të shpallet krim, siç ka ndodhur në vendet e tjera të Ballkanit.
Megjithatë, në Serbi, ende mbizotëron një kulturë fajësimi ndaj viktimave, duke i konsideruar ato përgjegjëse për atë që u ka ndodhur. Aktivistët kërkojnë një ndryshim të qëndrimit të shoqërisë ndaj seksualitetit dhe një reagim më të shpejtë nga institucionet.
